Shakespeare (Sonet - 7)

Viodistu! A Jevât, cuant che la graciose lûs
Alce il cjâf ardint, ogni voli, vassal,
Al rint onôr ae sô gnove-comparide viste,
Siervint cun olmadis la sacrâl maestât.
E po che mi soi rimpinât pal revit celest cuel
Avuâl a fuarte zovinece il so misdì.
I vôi mortâi inmò indi adorin la bielece,
Riverents al aurât so piligrinaç.
Ma inalore che dal sublim, sul cjar strac
Cuâl debul vieli i brancolial dal dì,
I vôi, denant devots, za a van distrats
Dal so cuarp acanât, e inalgò si son indreçâts.
         Cussì, disiertant te stes al to misdì,
         Bandonât tu mueris, se no tu prolis un fi.

Lo in the Orient when the gracious ligth,
Lifts up his burning head, each under eye
Doth homage to his new appearing sight
Serving with looks his sacred majesty,
And having climb’d the steep up heavenly hill,
Resembling strong youth in his middle age,
Yet mortal looks adore his beauty still,
Attending on his golden piligrimage:
But when from high-most pitch with weary car,
Like feeble age he reeleth from the day,
The eyes (’fore duteous) now converted are
From his low tract and look another way:
         So thou, thyself out-going in thy noon:
         Unlook’d on diest unless thou get a so

Dîs aduncje, a riviel to, che a nissun tu puartis amôr,
Tu, cussì malacuart viers di te midiesim;
O ricognòs, se tu vûs, che cetancj di lôr ti vuelin ben,
Ma al è dabon palês che tu no tu vuelis ben a dinissun:
Tu sês cussì cjapât da une asse mortifare,
Che tu âs fintremai cûr di tramâ cuintri te stes,
Tentant di dissestâ il to biel lûc
Che tu varessis di vê cure impen di sostignî.
Mude il to pinsîr, parcè che ancje jo o puedi mudâ il gno sintiment:
I spietije ae asse abitance plui di sest che al tenar amôr?
Cîr di sei graziôs e degnevul tant che il to mût di presentâti
O almancul mostriti creançôs cun te stes,
         Par amôr gno, fâs di te stes un altri,
         Cussì che la bielece a puedi, compagn che in
         te, intai tiei vivi.

For shame deny that thou bear’st love to any
Who for thy self art so unprovident; f many,
But that thou none lov’st most evident:
For thou art so possess’d with murd’rous hate,
That ’gainst thy self thout stick’st not to conspite;
Seeking that beauteous roof to ruinate
Which to repair should be thy chief desire:
O change thy thought, that I may change my mind,
Shall hate be fairer lodg’d than gentle love?
Be as thy presence is gracious and kind,
Or to thyself at least kind-hearted prove,
         Make thee another self for love of me,
        That beauty still may live in thine or thee

Shakespeare  (Sonet - 12)

Cuant che o conti i glons che a disin la ore,
E o viôt il dì sflandorôs colât intune gnot orende;
Cuant che o contempli violis aromai secjadis,
O riçots bruns ducj sblancjâts di arint:
Cuant che crots o torni a viodi chei arbui imens
Che ae gree un timp a fasevin di ripâr ae cjaldure,
E il vert dal Istât, aromai cercenât in côi
Puartât su la casse di muart, grês di blanc e ruspi pêl;
Jo o pensi inalore al destin de tô bielece,
Che ancje tu tu larâs tra lis vanzadicis dal timp,
Po che lis cjossis plui dolcis e bielis a tradissin se stessis,
E a muerin a misure che altris indi butulin dintor:
         E nuie al podarà fâ difese cuintri la falç dal Timp,
         Fûr di une fiolance, che lu sfidi cuant che lui al vegni a gafâti.

When I do count the clock that tells the time,
And sce the brave day sunk in hideous nigth,
When I behold the violet past prime,
And sable curls all silver’d o’er with white:
When lofty trees I see barren of leaves,
Which erst from heat did canopy the herd
And Summer’s  green all girded up in sheaves
Borne on the bier with white and bristly beard:
Then of thy beauty do I question make
That thou among the wastes of time must go,
Since sweets and beauties do themselves forsake,
And die as fast as they see others grow,
         And nothing ’gainst Time’s  scythe can make defence
         Save breed to brave him, when he takes thee hence.

Vîs di femine, che Nature di man sô e piturà,
Âstu tu, Sovran e Reìne de passion mê:
Un dolç cûr di femine, ma no smaliziât ai mil
Mudaments che si davuelzin fra lis falsis feminis,
Voli dal lôr plui vîf, mancul al fals indreçâsi,
Che al fâs slusî l’ogjet dulà che si intarde;
Om ae someance, che ogni someance e vinç,
E glanzìs i vôi ai oms, e aes feminis la anime.
E come femine tu foris tu denant creat.
Dome che la Nature, tal sacomâti, si imberlive,
E par prionte di te mi disprivà,
Cul zontâti cjosse ae mê viste malose.
         Ma po che pal plasê des feminis ti jevà,
         Gno che al sedi l’amôr, lôr il tesaur dal so ûs.
 

A woman’s face with Nature’s own hand painted,
Hast thou the Master Mistress of my passion,
A woman’s gentle heart but not acquainted
With shifting change as is false woimen’s fashion,
An eye more bright than theirs, less false in rolling:
he object whereupon it gazeth,
A man in hue al Hues in his controlling,
Which steals men’s eyes and women’s souls amazeth,
And for woman wert thou first created,
Till Nature as she wrought fell a-doting,
And by addition me of thee defeated,
By adding one thing to my purpose nothing.
         But since she prick’d thee out for women’s   pleasure,
         Mine be thy love and thy love’s use their treasure.

Come un atôr malpratic su la sene
Che par pôre al dismentee la sô part,
O come un imbilât cjamât, incolm, di asse
Che un strabalç di impit i fâs vignî l’ingòs,
Cussì jo, vint pôre di fidâmi masse, mi dismentei
La juste liturgjie dal rituâl dal morosâ,E mi sint mancjâ il boreç dal amôr
Sot il pês masse grivi de sô potence;
Oh, che a sedin aduncje i miei libris i oratôrs
E i cidins aralts dal gno sen che al fevele,
Interpretant l’amôr e spietant il vê di vê
Maiôr se no la lenghe che di plui e miei e palesà. 
         Imparâ a lei ce che il gno cidin amôr al à scrit:
         Il scoltâ cui vôi i confâs ae sutilece dal amôr.

As an unperfect actor on the stage,
Who with his fear is put besides his part,
Or some fierce thing replete with too much rage,
Whose strength’s abundance weakens his own heart;
So I for fear of trust, forget to say,
The perfect ceremony of love’s right,
And in mine own love’s strength seem to decay,
O’ ercharg’d with burthen of mine own love’s might:
O let my books be then the eloquence,
And dumb presagers of my speaking breast,
 Who plead for love, and look for recompense,
More than that tongue that more hath more express’d.
         O learn to read what silent love hath writ,
         To hear with eyes belongs to love’s fine wit.

Cui che al gjolt dal davantaç des stelis,
Che al svanti publics onôrs e titui di gale,
Biel che jo, che la fortune chê glorie alì e dinee,
O gjolt di bande ce che sore dut o laudi;
I puartats dai princips a disvulucin i lôr pics
A pareli des madalenis sot il voli dal soreli,
Ma la lôr albasie a àn sepulide in se stes:
Baste la pofardie a cjonçâ il butulâ.
L’ardôs vuerîr, innomenât pal so valôr,
Daspò mil vitoriis, se e une volte al socomp,
Al ven par simpri tirâ vie de liste dal onôr,
E a son par simpri dismenteadis dutis chês altris bravecis:
         Cetant content aduncje jo, che o vûl ben e o soi amât
         Di cui che nol po dislozâmi, ni jessi dislozât.

Shakespeare (Sonet - 32)

Se tu sorevivis ai dîs miei di gjonde,
Cuant che di tiere malviodude Muart i vues mi tapone
E di avenure ancje une volte tu zîs
Chescj puars viers dal to muart amì,
Metiju a pareli  al miei che inalore si fasaran,
E se purpûr tu ju malibiijes ogni altri penâl,
Che ti sedin a cjâr par amôr gno, e no dabon pes lôr rimis,
Vinçûts de stature di oms plui navigâts.
Oh, concedimi inalore dome chest amorôs pinsîr:
Che e fos di tâl vivôr floride la Muse dal gno amì,
Il so amôr al puartave plui preseabil costrut
Da tignî ranc cun plui sussiegâts camaradis:
         Ma po che muart al è, e miôr a son vuê i poetis,
         O leiarai chei pal stîl, e lui pal so amôr.

Shakespeare (Sonet - 38)
 

E podarès a la mê Muse mancjâ la invenzion
Se tu tu vivis, a meti jù intes mês rimis
il dolç teme di te stes, elezût al pont
Che lis cjartis grubianis no san contignîlu?
Oh, sei agrât a te stes se cualchi cjosse di gno
Degn  dal tô vedê si proferìs ae tô leture:
Cui isal malacuart al pont di no savê scrivi di te
Se e je di te che e ven lûs ae invenzion?
Che tu sedis la decime Muse, dîs voltis plui degne
Di chês antighis nûf che i rimadôrs a clamin;
E cui che si avode a ti che al puedi dâ vite
A eternis rimis che al timp in a vignî a sorevivin.
la mê smavide Muse e plâs a une etât sofistiche,
         Gno che al sedi il travai, ma a ti la laut ti spiete.

How can my Muse subject to invent
While thou dost breathe that pour’st into my verse,
Thine own sweet argument, too excellent,
For every vulgar paper to rehearse:
Oh give thyself the thanks if aught in me,
Worthy perusal stand against thy singt,
For who ’s so dumb that cannot write to thee,
When thou thyself dost give invention light?
Be thou the tenth Muse, ten times more in worth
Than those old nine which rhymers invocate,
And he that calls on thee, let him bring forth
Eternal numbers to outlive long date.
         If my slight Muse do please these curious days,
         The pain be mine, but thine shall be the praise.

Se la sostance grivie dal gno cuarp e fos pinsîr,
La distance crudêl no mi fermarès,
Parcè che inalore jo o vorès, a dispiet dal spazi,
Dai lûcs plui rimits, là dulà che tu tu loghis.
Ce podaressial impuartâ mai se il gno pît al poiàs
Sul pont de tiere plui lontan di te,
Puedial il curient pinsîr scjavalcjâ mars e tieris
Pûr al pensâ dulà che jessi al vorès.
Ma joi, il pinsîr mi çoncje, di no sei pinsîr
Par traviersâ splanadis di miis, po che tu tu sês partît,
Ma invezit, metût adun come che o soi di aghe e di tiere,
O scugni spietâ zemint il comut dal timp:
         O altri rigjavant da elements cussì tarts
         Che lagrimis pesantis, pegns dal lôr dûl.

Shakespeare (Sonet - 116)

Nol sarà che aes gnocis di anims costants
Jo o ameti impediments, amôr nol è amôr
Che al mude cuant che o scuvierç mudaments,
O a separâsi al pent cuant che altris si separe.
Oh no, al è pont di riferiment cetant salt
Che al vualme la burascje e mai nol ven scossât;
E je la stele dulà che si indrece ogni torzeone nâf,
Lontanon il so valôr, pûr se il so sît cognossût.
Zugul lui nol è dal timp, ancje se ros lavris
E mursiei, a sedin vuantâts de sô falç arcade,
No si coromp amôr par oris e zornadis curtis,
Ma cence teme al resist fint al foran estrem.
         Se chest al ves di jessi un fal, e cuintri di me si provi,
         Mai no ai scrit, e mai nissun al à amât.

 

Let me not to the marriage of true minds
Admit impediments, love is not love
Which alters when it alteration finds,
Or bends with the remover to remove.
That looks on tempest and is never shaken;
It is the star to every wand’ring bark,
his heigt be taken.
Love ’s not Time’s fool though rosy lips and cheeks
Within his bending sickle’s compass come,
Love alters not with his brief hours and weeks,
But bears it out even to the edge of doom:
         If this be error and upon me proved,
         I never writ, nor no man ever loved.

Biografie dal autôr:

 William Shakespeare, il massim poete inglês, al è nassût a Stratford-on-Avon tal mês di Avrîl dal 1564, e al è muart simpri in chest lûc ai 23 di Avrîl dal 1616. Sô mari e dissendeve di une famee di possidents di tieris; so pari impen al apartignive ae corporazion dai peleârs, e al gjoldè di une cierte innomine tant di jessi elezût fintremai balîf (sindic) di Stratford, ma po i afârs de famee a lerin malementri. William, tierç di vot fiis, al studià ae Grammar School di Stratford, e di cierts si prossume che par cualchi dade di timp al vebi frecuentât la Universitât di Oxford, ma il so maridaç a disevot agns cun Anne Hathaway, fie di coltivadôrs e di vot agns plui anziane di lui e la nassince di trê fiis, lu oblearin a dismeti ogni regolaritât intai studis.

    Denant dal 1592 no si àn altris notiziis di Shekespeare: no si sa cemût che al vivès, dut câs une tradizion, che e semee la plui juste, e vûl che al fos mestris di scuele. Une altre tradizion e pant invezit che al scugnì lassâ Stratford par vie che al jere aviersât di un ciert sir Thomas Lucy, che lu incolpave di vê robât un dant inte sô tignude. Inmò, al è di crodi che al scrivès i siei prins dramis pes compagniis provinciâls, ma tal 1592 al jere a Londre e al gjoldeve bielzà di une slargjade innomine sevi come autôr di dramis sevi come atôr.

    Par chel che al inten i Sonets che culì o vin publicât (no indi vin sielzût dîs ma la opare complete e je metude adun di 154) il sôl veicul di cognossince direte che no o vin al è chel che nus ven furnît di un test dal 1609: jessût aes stampis, vâl a dî, cuante il poete al jere inmò vîf, ma secont ogni probabilitât cence il so consens, e inmò mancul la sô colaborazion. Un tant al risulte clâr soredut dal fat che la dediche dal volum no puarte il non dal autôr, ma dome lis iniziâls dal editôr: indicazion cheste, inte Ingletiere di chê volte, che il libri al vignive publicat cence il consens palês di cui che lu veve scrit. Inte realtât leterarie editoriâl elisabetiane, in fats, il concet dal dirit di autôr nol jere inmò nassût: cualsisei che al fos stât in possès di un manuscrit, e in cualsisei maniere che al fos rivât a vêlu, al jere libar di publicâlu: no dome, ma di otignî ancje la esclusive, domandant par chest la proviodude license mediant la inscrizion intun Regjistri di pueste alì de Stationer’s Hall. E cussì al fasè juste apont Thomas Thorpe, ai 20 di Mai dal 1609 par chei Sonets: e il volum al devi jessi vignût fûr no tantis setemanis daspò.

    Shakespeare si cjatave, in chel moment, tal moment plui alt de propie gloriôse cariere di om di teatri: dut câs inviât viers la trate dal amont. Produsudis bielzà lis grandis tragjediis, no i restavin aromai che doi o trê agns di ativitât creative, chei dulà che a cjaparin forme i Pericles, il Winter’s Tale, il Cymbeline, la Tempest e Henry VIII, se pardabon chest ultin al è stât scrit dut de sô man. Po, si ritire in maniere definitive in chê Stratford dulà che nol veve mancjât di fâ, ogni an, une dade di permanence: di chê volte la sô vôs si cidinà e cualchi an daspò, tal 1616, in chest sît al murive.

    Sun chest cont al merte sotliniât il fat che tal 1609 e jere bielzà dal dut passade di mode la voghe dal sonet che tant sucès e veve vût dilunc l’ultin deceni dal secul denant, anzit plui precisementri, sin viers il 1597. (E Shakespeare nol veve mancjât intes sôs oparis di teatri di cjançonâ chê mode alì). Nol è aduncje di suponi che plusôrs agns daspò, lui cussì atent aes modis, ai volubii interès dal public, al podès cun plasê, consintî la publicazion di composizions datadis dal sigûr, almancul la plui part, a un timp aromai lontan, zovanîl, cence nissune justificazion di atualitât leterarie; che par altri, pal lôr contignût, no jerin dal sigûr fatis par puartai considerazion e innomine. Chest al merte dit cence sintîsi justificâts a acetâ lis conclusions estremis di cierts, viôt il Middleton Murry, che a vuelin viodi in chê publicazion, realizade cence che l’autôr al fos stât informât, une tragjedie di prime grandece, tant che il tradiment de persone sore ogni cjosse al mont riveride e amade: e tâl di determinâ il so abandon de vite teatrâl e mondane, e il ritîr inte soledât cidine di Stratford. Ma po par fortune il timp, che secont un proverbi furlan al è galantom, al à fat justizie e i à rindût a William Shakesperare dut l’onôr e la grande innomine che si meretave.