Zà fa dîs agns, ai 6 di fevrâr dal 1992, al murive p. David Maria Turoldo. Sacerdot servita, predicjadôr, sagist e poet, Turoldo al jere nassût a Codêr di Sedean ai 22 di novembar dal 1916. Ordenât predi tal 1940, laureât in filusufie alì da l'Universitât Catoliche di Milan tal 1946, dilunc la Resistence al veve fondât la riviste "L'uomo", dulà ch'al publicà lis sôs primis poesiis. Di chê volte la sô risultive liriche e butà simpri.

Chest predi discomut al è stât un liric, ma al à vût scrit ancje in cjamp biblic-leterari e pal teatri. Cul regissêr Pandolfi al à realizât il film "Gli ultimi", che j zovà un slargjât preseament de critiche. Tal 1976/77 al curà la rubriche "Colloqui con i lettori" de "Domenica del Corriere", che a vignìrin podaspò ricolts e publicâts a Milan tal 1978 cul titul "Alla porta del bene e del male".

A Sotto il Monte, dongje Bergum, al dirigè il Centri Studis Ecumenics Zuan XXIII. Pai siei scrits e pai siei intervents anticonformiscj, Luigi Santucci lu à vût definît "cussience malcujete de Glesie" . Al à vût i premis "Pifanie" (1971), "Nadâl Furlan" (1982), "Acuile d'aur" (1987), "Zuan di Udin" (1991), e il "Lazzatti" a la sô prime edizion pal volum "Il Vangelo di Giovanni".

Purpûr vivìnt e operànt scuasit simpri lontan de Furlanie, al à simpri palesât un fuart atacament a la tiere de sô nassince: la "Letare a la mari di Pasolini" scrite in muart dal poet di Cjasarse, e je forsit la testemoneance plui biele e comovènt.

Dificil resisti a l'amirazion e mantignî un minim di distance critiche rispiet a un'opare slargjade e passionade come chê di Turoldo, bon di fevelâ - in maniere antecipade di dîs, vincj agns - a l'incujete cussience dal om di vuê, di rispuindi 'es sôs plui tormentadis domandis (bastarès tornâ a lei la letare che pari David al veve mandât al Gazzettino ai 21 di luj dal '87, sul cont des responsabilitâts dal Ocident tai rivuarts dal Tierç Mont). Al è impussibil cirî di contâ in pôcjis riis il complès significât di une testemoneance profetiche che si è fate persone, prime inmò che peraule, e musiche, e cine. Forsite o podaressìn dî che de rileture di ce che lui al à vût scrit e ven fûr cun fuarce propite la grande disponibilitât dal om Turoldo di fâsi cjame in se stès de tragiche feride dal mâl e de gjondôse fadie de sperance.

"No ai mai marciât cuintri nissun - al à dite une volte Turoldo - ma simpri par cualchidun". In chel so cuarp lunc e nobil, in chel so vîs significant e sgjavât, si cjatavin in tune la sudizion dal contadin e l'orgoj fuart de fede, ma ancje l'amôr pal om e la seguitive e ustinade ricercje di un Diu a voltis lontan, âtris voltis fintremai impotent. Al podarà smaraveâ par esempli cui ch'al pense a la fede come a une forme di padinament da l'anim, il lei tal libri "Il mio Friuli" pagjinis incolmis di disperazion esistenziâl, che si moreste nome te consapevulece, ogni volte cuistade, che cristian nol è cui ch'al bute la crôs, ma cui che la cjape sù pe schene. O ben comprindi che par Turoldo il rimiedi a la sconfite paidide ogni dì dal om e jere te pazienzie laboriôse e ferme. Arme cheste preferide dal poet "rivoluzionari" di Codêr.

Discomut pari Turoldo, par ducj e fintremai tal ultin, ancje pal so Friûl, che nol à mai savût o podût sielzilu come simbul. O memoreìn cuanche, intant di une cunvigne fate alì dal Assindustrie di Udin tal 1988, al vè cûr di dî : "Nô o savìn ce ch'al vûl dî jessi povars, e sfrutâts tal mont. Cemût podarîno nô, cumò, passâ su la piel dai povars? Lu dîs par amôr dal gno Friûl… No soi achì a difindi i cjampanilisims e mancul inmò l'antighe miserie. Ma and'è limits umans che no si puedin superâ: Gno Friûl/ tire sù une spaltade/ di afiets e ricuarts/ a cheste monoculture d'Americhe/ e il tesaur difint/ de tô dignitôse puaretât dai vons/ la memorie che sedi il to blason…".

Un discors fuart, ferbint, dibot il so testament spirituâl. O sìn da l'opinion che la Furlanie e varès vuê une grande dibisugne di Turoldo par recuperâ la sô originâl identitât.

Dieci anni fa, il 6 febbraio 1992, moriva p. David Maria Turoldo. Sacerdote servita, predicatore, saggista e poeta, Turoldo era nato a Coderno di Sedegliano il 22 novembre 1916. Ordinato prete nel 1940, laureato in filosofia presso l'Università Cattolica di Milano nel 1946, durante la Resistenza aveva fondato la rivista "L'uomo", dove pubblicò le sue prime poesie. Da allora la sua fonte d'ispirazione lirica non s'inaridì mai.

Questo prete scomodo è stato un poeta, ma ha scritto anche validi testi in prosa di contenuto biblico-letterario e per il teatro. Con il regista Pandolfi ha realizzato il film "Gli ultimi", che gli valse ampi apprezzamenti da parte della critica. Nel 1976/77 curò la rubrica "Colloqui con i lettori" de "la Domenica del Corriere", testi che poi vennero raccolti e pubblicati a Milano nel 1978 con il titolo "Alla porta del bene e del male".

A Sotto il Monte, presso Bergamo ha diretto il "Centro Studi Ecumenici - Giovanni XXIII". Per i suoi scritti e per i suoi interventi anticonformisti, Luigi Santucci lo ha definito "coscienza inquieta della Chiesa" . Ha ricevuto i premi "Epifania" (1971), "Nadâl Furlan" (1982), "Friuli-Aquila d'oro" (1987), "Giovanni da Udine" (1991), e il "Lazzatti" alla sua prima edizione per il volume "Il Vangelo di Giovanni".

Pur vivendo ed operando quasi sempre lontano dal Friuli, ha manifestato in ogni occasione un forte attaccamento alla terra che gli aveva dato i natali: la "Lettera alla madre di Pasolini", scritta in morte del poeta di Casarsa, ne è forse la testimonianza più bella e commovente.

Difficile resistere all'ammirazione e mantenere un minimo di distanza critica rispetto ad un'opera tanto vasta ed appassionata come quella di Turoldo, capace di parlare - con una preveggenza di dieci, vent'anni - alla travagliata coscienza dell'uomo d'oggi, di rispondere alle sue più tormentate domande (basterebbe rileggere la lettera che padre David Maria aveva mandato al Gazzettino il 21 luglio 1987, per quanto attiene le responsabilità dell'Occidente nei riguardi del Terzo Mondo). E’ pertanto impossibile cercare di raccontare in poche righe il complesso significato di una testimonianza profetica che si è fatta persona, prima ancora che parola, e musica, e cinema. Forse potremmo dire che dalla rilettura di quanto egli ha scritto ne deriva con forza proprio la grande disponibilità dell'uomo Turoldo nel farsi carico in se stesso della tragica ferita del male e della gioiosa fatica della speranza.

"Non ho mai marciato contro nessuno - ha detto una volta Turoldo - ma sempre per qualcheduno". In quel suo corpo alto e nobile, in quel suo viso significativo e scavato, si trovavano accomunate la dignità del contadino e l'orgoglio forte della fede, ma anche l'amore per l'uomo e la perseverante ed ostinata ricerca di un Dio a volte lontano, altre volte persino impotente. Potrà meravigliare per esempio chi pensa alla fede come ad una forma di quietamento dell'animo, il leggere nel libro "Il mio Friuli" pagine traboccanti di disperazione esistenziale che si appaga solamente nella consapevolezza, ogni volta conquistata, che cristiano non è colui che getta la croce, ma chi invece se la carica sulle spalle. Ovvero comprendere che per Turoldo il rimedio alla sconfitta sofferta ogni giorno dall'uomo è nella pazienza laboriosa e ferma. Arma questa preferita dal prete-poeta "rivoluzionario" di Coderno.

Scomodo padre Turoldo, per tutti e fino all'ultimo giorno della sua esistenza, anche per il suo Friuli, che non ha mai saputo o potuto sceglierlo come simbolo. Ricordiamo quando, durante un convegno che si stava svolgendo presso l'Assindustria di Udine nel 1988, ebbe il coraggio di dire: "Noi sappiamo cosa significa essere poveri, e sfruttati nel mondo. Come potremmo noi, ora, passare sulla pelle dei poveri? Lo dico per amore del mio Friuli… Non sono qui a difendere i campanilismi e meno ancora l'antica miseria. Ma ci sono limiti umani che non si possono superare: Mio Friuli/ ergi uno steccato/ di affetti e ricordi/ a questa monocultura d'America/ e il tesoro difendi/ della dignitosa povertà degli avi/ la memoria sia il tuo blasone…".

Un discorso forte, vibrante, quasi il suo testamento spirituale. Siamo dell'opinione che il Friuli avrebbe oggi un grande bisogno di Turoldo per recupare la sua originale identità.