Alcune immagini della manifestazione

Premi "Zuanfrancesc 2004": gèi e Internet

 O sin rivâts chest an a la vincjesime-seste  edizion de Rassegne Cjargnele di "Art, Culture, Lavôr". Un acjadiment aduncje ch'al sta deventant "tradizion", e par chest o scugnìn jessi agrâts al maestri Romualdo Fachin che le à metude sù tal 1977, e ch'al restarà par simpri tai nestris ricuarts.

    La sielte a cui dâ il premi "Zuanfrancesc" par chel ch'al rivuarde la culture, chest an nus veve dât, par plui di cualchi aspiet, mutîfs di rifleti. Titui par ricevilu ju vevin un biel numar di personis, parcè che la Cjargne, par fortune, e je une tiere ricje d'ingegns e di creativitât tai diviers cjamps da l'art, de leteradure e de musiche. Ma la storie da l'autonomie mancjade (il referendum lât malementri) e la pesante crise ocupazionâl ch'e je rivade daûr no àn podût no condizionâ la nestre sielte: che a la fin e je colade su Annamaria Bianchi-Brollo.

    Ma parcè Annamaria Bianchi, che par chel ch'o savìn no je poete, no fâs cuadris, e nancje no compon musiche. La nestre rispueste e je parcè che cheste femine e je stade buine di creâ un alc di veramentri gnûf e origjinâl par fâ culture, ma sore il dut par trasmeti culture: e je jê justeapont ch'e à pensât, realizât e a sta curant il sît-puartâl su Internet: www.donneincarnia.it . Un sît ch'al propon, storie, culture, tradizions personaçs, cronichis e notiziis des nestris vals. E lu à fat cence il sostegn economic di nissune instituzion, ni publiche e ni privade, e chest al è un âtri so grant mert.

    Daûr di chest  discors, apene introdutîf, par judânus capî adimplen il valôr da l'iniziative realizade di Annamaria Bianchi, o crodìn ch'al sedi impuartant sotliniâ il concet che l'inovazion no je feconde e no si trasforme in culture se no si slargje. Duncje i doi mecanisims, d'inovazion e di difusion, che sul in prin a semearessin contraponisi, a son invezit ancje cooperatîfs (si à di ricuardâ che ducjdoi a son sostignûts de comunicazion). Par sparagnâ risorsis a coventin i procès di aprendiment, rapresentâts da une modificazion des rispuestis e dai prudêi che po si tradusin tune modificazion des struturis celebrâls. Vie vie che i prudêi si presentin avuâi, chestis rispuestis a deventin simpri plui automatichis, valadì ch'a vegnin "cabladis" tes struturis sinaptichis e metudis in vore cence impegnâ risorsis di alt livel, ch'a puedin jessi cussì dopradis par dâ soluzions a problems inedits. Se i prudêi plui frecuents a son comuns a ducj i indivuduis di une cierte culture, l'aprendiment al va a infuartî il çurviel coletîf. Aduncje ce che tal in prin al è privât o locâl al po’ deventâ comun o globâl. Dut chest rasonament al podarà semeâ complicât ma al è fondamentâl par une realtât come la Cjargne che ta l'inovazion e ta l'informatiche e po’ cjatâ la fate par dâ une soluzion ai siei problems. A scomençâ di chel dal podê gjavâsi dal isolament, sociâl, e economic e culturâl , che la realtât gjeografiche e lis cundizion storichis a stan riscjant di confinâle.

    Il sît www.donneincarnia.it oltri a notiziis  di caratar locâl  al cure, tai sît colegâts come www.ladinsdalfriul.org, tescj e documents par furlan. Un aspiet ancje chest fondamentâl da l'opare di Annamaria Bianchi. Il tem lenghis locâls e minoritariis e Internet al è cence âtri un tra i plui dibatûts e atraints. Un dai grancj vantaçs di Internet in gjenerâl e je la velocitât dal acès e dal sgambi di informazions di cualsisei sorte. La ricercje e ven seondade de struturazion des informazions in forme di colegaments ipertestuâi ch'a permetin  une navigazion curient e efetive e un colegament di informazions di divierse cualitât, par esempli inmagjinis, tescj, ma ancje filis audio e videu. La svueltece e l'eficacitât di Internet a puedin jessi cussì metudis al siervizis des lenghis minoritariis e locâls parvie ch'a permetin di presentâ un grant numar di informazions colegadis fra di lôr, ofrint la pussibilitât di podê acedi a cheste comunicazion-documentazion in timps relativementri curts. Graciis a l'interativitât di Internet al è pussibil inmò un scambi vicendevul di informazions: cui ch'al cure un sît di cheste sorte al pò zovâsi di modui interatîf ch'a rindin plui facil la ricolte automatiche di informazions furnidis dai stes visitadôrs.

    Un âtri aspiet impuartant di tignî in considerazion al è chel che dal pont di viste economic, Internet al è l'ideâl pe promozion e la valorizazion des lenghis e des culturis locâls. Considerant che il majôr problems des lenghis mancul dopradis, e des realtâts plui isoladis, e je la lôr scjarse difusion, parvie che dispès i mass media tradizionâi, come la stampe, la radio e la television, a son par lôr di dificil acès , infats si à pôre di no podê ripajà lis altis spesis di produzion cun tun numar avonde alt di utencis. L'ûs di Internet al è aduncje l'ideâl sore il dut par iniziativis che no disponin di grandis risorsis economichis, situazions unevore frecuents tal cjamp de promozion des lenghis e des culturis cussì clamadis minoritariis e locâls.

    Inmò, lis lenghis e lis culturis locâls a son dispès associadis a la tradizion e aduncje, scuasit par definizion, al passât. Cence volê discognossi il valôr de tradizion o considerâ la modernitât come un ben in sé, al reste un fat che l'inmagin dispès un pôc folcloriche des lenghis e des culturis minoritariis no lis rint cui sa cetant atraìnts ai vôi dai zovins, tra i cuâi la lôr cognossince e je simpri mancul presint. Doprâ il furlan par Internet, comunicâ par Internet aspiets di storie, culture e tradizions locâls, al pò zovâ cetant a incetivâ tra i zovins l'ûs de lenghe e la cognossince di chescj aspiets de nestre realtât locâl.

    Aduncje inovazion e tradizion, gei e Internet, par no pierdi lis radîs e l'identitât, e par no jessi vuaiâts e normalizâts dai procès de globalizazion mondialiste. Dut chest Annamaria lu à olmât e metût in vore cun grande sensibilitât e atenzion, e par chest  si è mertade adimplen chest ricognossiment dal premi "Zuanfrancesc 2004" in reson dal so inovatîf impegn culturâl.

    Permetênus in fin di sierâ chest intervent leìnt une poesie di Annamaria Bianchi, titulade justeapont "Il gèi" , ch'o vin a so timp publicade tal prin "Cuadêr di Culture Cjargnele" : Gèi di feminis/ gèi di sudôr,/ gèi plen di fen,/ di legnis,/ di clas,/ di cartufulis,/ di panolis,/ di blave,/ di cjastinis,/ di fueis,/ di panzits,/ di rosis./  Gèi di lavâ,/ di semenâ/, gèi di zoventût./ Gèi di îr/ gèi di vuei,/  gèi di Cjargne.

 (renzo balzan)

PREMIO GIANFRANCESCO 2004:
GERLA E INTERNET

        Siamo arrivati quest’anno alla XXVI edizione della Rassegna Carnica di “Arte, Cultura, Lavoro”. Un avvenimento dunque che sta diventando “tradizione”, e per questo motivo dobbiamo essere riconoscenti al maestro Romualdo Fachin, promotore e iniziatore fin dal 1977, e che resterà sempre nei nostri ricordi.   

La scelta della persona a cui assegnare il premio “Gianfrancesco” per la sezione cultura, quest’anno ci aveva dato, per più di qualche aspetto, motivi di riflessione. I titoli per riceverlo l’avevano un bel numero di persone, perché la Carnia per fortuna, è una terra ricca d’ingegno e di creatività nei diversi campi dell’arte, della letteratura e della musica. Ma la vicenda dell’autonomia mancata (il referendum andato a male) e la pesante crisi occupazionale che ne è seguita non hanno potuto non condizionare la nostra scelta: che alla fine è caduta su Annamaria Bianchi-Brollo. 

Ma perché Annamaria Bianchi, che per quello che sappiamo non è poeta, non dipinge e neanche compone musica? La nostra risposta è perché questa donna è stata capace di creare qualcosa di veramente nuovo e originale per fare cultura, ma soprattutto per trasmettere cultura: ed è lei che appunto ha pensato, realizzato e sta curando il sito-portale su internet: www.donneincarnia.it . Un sito che propone storia, cultura, tradizioni, personaggi, cronache, notizie delle nostre valli. E lo fa senza il sostegno economico di nessuna istituzione, né pubblica né privata, e questo è un altro suo grande merito. 

A seguito di questo argomento, appena introduttivo, per aiutarci a capire appieno il valore dell’iniziativa realizzata da Annamaria Bianchi, crediamo che sia importante sottolineare il concetto che l’innovazione non è feconda e non si trasforma in cultura se non si allarga. Dunque i due meccanismi, d’innovazione e di diffusione, che dapprima sembrerebbero contrapporsi, sono invece anzi complementari (è bene ricordare che ambedue sono sostenuti dalla comunicazione). Per risparmiare risorse servono i processi di apprendimento, rappresentati da una modificazione delle risposte e dagli stimoli che poi si traducono in una modificazione delle strutture celebrali.  Via via che gli stimoli   si presentano simili , queste risposte diventano sempre più automatiche, cioè vengono “cablate” nelle strutture sinaptiche e messe in atto senza impegnare risorse di alto livello, che possono essere così usate per dare soluzione a problemi inediti.  Se gli stimoli   più frequenti sono comuni a tutti gli individui di una certa cultura, l’apprendimento va a rafforzare     il cervello collettivo. Dunque ciò che all’inizio è privato o locale può diventare comune o globale. Tutto questo ragionamento potrebbe sembrare complicato ma è fondamentale per una realtà come la Carnia che nell’innovazione e nell’informatica può trovare il modo    per dare soluzione ai suoi problemi. A cominciare dalla possibilità di uscire dall’isolamento sociale e economico culturale, dove la realtà geografica e le condizioni storiche rischiano di confinarla. 

Il sito Donne in Carnia oltre a notizie di carattere locale cura, tra i suoi collegamenti come www.ladinsdalfriul.org , testi e documenti in friulano. Un aspetto anche questo fondamentale dell’opera di Annamaria Bianchi. Il tema lingue locali e minoritarie e Internet è senz’altro uno dei più dibattuti e attraenti. 

         Uno dei grandi vantaggi di Internet in generale è la velocità dell’accesso e dello scambio di informazioni di qualsiasi genere. La ricerca viene assecondata dalla strutturazione delle informazioni in forma di collegamenti ipertestuali (link) che permettono una navigazione corrente ed effettiva e un collegamento fra informazioni di diversa qualità, come immagini, testi, ma anche files audio e video. La velocità e l’efficacia di Internet possono essere così messi al servizio delle lingue minoritarie e locali perché permettono di presentare un gran numero di informazioni collegate fra loro, offrendo la possibilità di poter accedere a queste comunicazioni-documentazioni in tempi relativamente brevi. Grazie all’interattività di Internet è possibile ancora uno scambio reciproco di informazioni: chi cura un sito di questo genere può giovarsi di moduli interattivi che rendono più facile la raccolta automatica di informazioni fornite dagli stessi visitatori.
 
         Un altro aspetto importante da tenere in considerazione è che dal punto di vista economico, Internet è ideale per la promozione e la valorizzazione delle lingue e delle culture locali. Considerando che il maggior problema delle lingue meno usate, e delle realtà più isolate, è la loro scarsa diffusione, poiché spesso i mass-media tradizionali, come stampa radio e televisione, sono per queste di difficile accesso, infatti si ha timore di non poter ripagare le alte spese di produzione con un numero sufficientemente alto di utenze. L’uso di Internet è dunque ideale soprattutto per iniziative che non dispongono di grandi risorse economiche, situazioni spesso frequenti nel campo della promozione delle lingue e delle culture così chiamate minoritarie e locali. 

Ancora, le lingue e le culture locali sono spesso associate alla tradizione e dunque, scusate la definizione, al passato. Senza voler disconoscere il valore della tradizione o considerare la modernità come un valore in sé, resta il fatto che l’immagine spesso un po’ folcloristica delle lingue e delle culture minoritarie non le rende tanto attraenti agli occhi dei giovani, tra i quali la loro conoscenza è sempre meno presente.  Usare il friulano in Internet, comunicare tramite Internet aspetti di storia, cultura e tradizioni locali, può giovare molto a incentivare tra i giovani l’uso della lingua e la conoscenza di questi aspetti della nostra realtà locale. 

Dunque innovazione e tradizione, gerla e Internet, per non perdere le radici e l’identità, e per non essere livellati e normalizzati dai processi della globalizzazione mondiale. Tutto ciò Annamaria lo ha  e messo in opera con grande sensibilità e attenzione, e per questo motivo si è meritata in pieno questo riconoscimento del premio “Gianfrancesco 2004” a motivo del suo innovativo impegno culturale. 

Permetteteci infine di chiudere questo intervento leggendo una poesia di Annamaria Bianchi, intitolata appunto “Il gei”, che abbiamo a suo tempo pubblicata nel primo “Quaderno di Cultura Carnica”:

"Gerla di donne,
 gerla di sudore,
 gerla piena di fieno,
 di legna,
 di sassi,
 di patate,
 di pannocchie,
 di granaglia,
 di castagne,
 di foglie,
 di panni di bimbi,
 di fiori.
 Gerla del bucato,
 della semina,
 gerla della gioventù,
 gerla di ieri,
 gerla di oggi,
 gerla di Carnia."

                                                                             (renzo balzan)