"Inamorât di Viole"

    Laurinç al varès podût lâ alì di Pauli a passâ il rest de soresere scoltant musiche, tant al saveve che so pari al tornave simpri unevore tart di vôre; ma al vè miôr restâ dibessôl.

    Al scomençâ a pensâ: "Inmò cualchi zornade, e po…". Inmò cualchi zornade, e po al sarès tornât par un pôcjis di setemaneis alì di sô nône a Cesclans. No vevial simpri bramât ch'al rivàs chel marimoment? Ce j saressie mancjât, a Cesclans? Il davoi de citât, forsite?

    "A Cesclans o varai la companie di gno cusìn Luche, e no pesarai plui a chestis fufignis". Cun Luche, che al veve scomençât a frecuentâ l'Universitât a Udin, al varès tornâ a fâ i discors di simpri: la pescje tal lât, il balòn, lis machinis di corse,  la filusufie,  la culture, cjossis impuartantis, in sumis. Da l'amôr, no vevin mai fevelât,  senò par ridi sore e par sorâsi un cun chel âtri.

    L'amôr…l'amôr, j dave fastidi nome a sintîle cheste peraule. E ce jerino dutis chês pantuminis, fâj la cort a une fantate, fâ fente di provâ cui sa ce par jê, plaidâle cun ogni sorte di cumpliments. Tai cines che si viôt par television senis di cheste sorte naturalmentri no mancjavin, e cuanche ciertis inmagins j capitavin denant dai vôi inderedanlu, lui al spesseave a cirî il telecomant par gambiâ cjanâl. Come che lu inderadavin cierts romançs masse amorôs, e inalore ju meteve daurman di bande.

    E lis poesiis, la stesse cjosse: nol jere nuje di plui mauc de rimis galantis dai zovins poets inamorâts! Massime cuanche tes lôr composizion a metevin dentri la lune, lis stelis, la primevere e i prâts in flôr.

    Al veve milante resons so cusìn Luche a dispreseâ lis feminis. A jerin des bateculis. Par esempli Mery… e ancje Magda. E po la Pamela e chê âtre sô amie, Carmen…s'impensave dai lôr tabajeçs cuant che al jere inmò a scuele a Tumieç, des lôr ridarolis mauchis intant che a soravin un âtri so cusìn di Cjavaç che si clamave Martin. Ma Viole, dal sigûr, no jere cussì. Viole e veve une vôs dolce, une vôs che ti dave sigurece. Laurinç no si jere mai domandât cetaincj agns che varès podût vê, ma nol varès mai suspietât che fos stade cussì  zovine.

    Sì, Viole di Plans di Fèle e jere difarente di dutis chês âtris , e no dome parcè che veve une vôs dolce. E nancje parvie dai siei vôi celescj, di un celest colôr dal cîl tal timp de vierte. E jere difarente in dut e dapardùt. Par chel che diseve, e cemût che lu diseve. And'jere une naturalece in jê pardabon straordenarie. Une naturalece che nol jere rivât a preseâ inmò in nissune âtre fantate, nancje ventivie par Padue.

    Viole: ce biel non! Sì, di chê biele fantate al jere biel ancje il non. A Laurinç  j semeave di vêlu simpri savût, che Viole, un non ch'al sparfumave,  al jere il plui biel non di ducj i nons di femine. Viole Valent : ancje il cognon j semeà unevore biel e adàt par chê dumble. No veve nuje ch'al fos fûr di puest, nissune tare che si podès tiraj fûr. E jere perfete, ta l'aspiet, tai vôi, tal non e tal cognon. 

             E jere la prime volte che al pensave cussì a lunc a chestis cjossis, ma je semeave di vêlis savudis di simpri, fintremai di chê buinore che a Tumieç, dilunc la strade, al veve scuintrât Viole. Al memoreave ducj i particulârs di chel prin incuintri. Viole e jere insiemit cun tune sô cusine e une sô amie e cun Martin. A fevelavin sentâts atôr di un taulin tal cafè ch'al è te place dal museu des tradizion popolârs. Lui si jere sentât cun tun amì di Darte tal taulìn in bande. Po Martin a lis fantatis si jerin alçâts e a jerin lâts ducj insiemit alì de librarie che je te strade daûr dal domo. La vision di chê fantate dai vôi celescj lu veve veve come striât. Ur lè daûr e al jentrà te librarie ancje lui. Lis fantitis a cirivin dai sfueis di cjarte colorade, forsit par fâ dai furniments, lui invezit ur stave daprûf fasìnt fente  d'interessâsi a un diari. A la fin i colôrs dai sfueis ju  sielzè  jê, la plui biele e la plui brave.

    Cemût jerial pussibil che chei âtris no si fòssin inmò inecuarts di chel tesaur di fantate? So cusìn Martin, che tal doman j veve contât dut di jê par fîl e par pont, a dî la veretât si jere inecuart: dal moment che si jere inamorât. " Che un al puedi inamorâsi di Viole si puès capîlu, - al pensà Laurinç -. Al puest di Martin, mi sarès inamorât ancje jo" . E al provà une grande invidie tai rivuart di so cusìn,  che al veve vude la furtune sfaçade di frecuantâ l'institût magistrâl, propite come Viole.

    "Ma parcè jo no podaressio inamorâmi di jê? Ancje se cumò o soi vignût a stâ di cjase a Padue. Ancje se mi soi slontanât cussì tant? O podarès dal sigûr inamorâmi…o voi pûr d'istât par une biele dade di timp a Cesclans, lassù di mê nône". Po j vignì tal cjâf une idee: "O soi bielzà inamorât di jê! Mi soi inamorât issofat, fintremai dal prin moment che le ai viodude!".

    Chê idee cussì strambe  j jere vignude a l'improvise, e inalore Laurinç si jevà su in pîs. Si vistì e al lè ju te strade metinsi a cjaminâ pai listions de citât vuluçade dal scûr de gnot. A chê ore no si viodeve a passâ dibot nissun, nome cualchi machine che coreve vie svuelte cui siei ferâi slusìnts . "Jo o ami Viole. O soi inamorât mat di jê", al disè a se stès. Al pindulave ca e là e dibot al riscjà di colâ: al jere cjoc e sturnît, ma no di vin o di droghis. Lu veve incjocât e sturnît la grande felicitât. "Lis feminis e l'amôr a son cjossis maraveôsis! Lis feminis e …" si metè a vosâ te gnot come un spasemât. Ma no si lumave atôr anime vivìnt che podès daj seont,  la citât e polsave e no veve timp di stâ a scoltâ lis matetâts di un çavariòt di chê sorte.

                                          Innamorato di Viola

    Lorenzo avrebbe potuto andare da Paolo a trascorrere il resto della serata ascoltando musica, tanto sapeva che suo padre rincasava sempre molto tardi; ma decise che era meglio restarsene da solo. 
    Cominciò a pensare: "Ancora qualche giornata, e poi…". Ancora qualche giornata, e poi sarebbe ritornato per poche settimane a Cesclans. Non aveva sempre atteso con ansia che arrivasse questo momento? Cosa gli sarebbe mancato a Cesclans? Il chiasso della citta, forse? 
    "A Cesclans avrò la compagnia di mio cugino Luca, e non penserò più a queste sciocchezze". Con Luca, che aveva iniziato a frequentare l'Università a Udine, avrebbe ripreso a fare i discorsi di sempre: la pesca nel lago, il calcio, l'auto da corsa, la filosofia, la cultura, insomma le cose importanti. Dell'amore, non avevano mai parlato, se non per riderci sopra e per canzonarsi a vicenda.     L'amore…l'amore, gli dava fastidio solo a sentirla questa parola.  Cos'erano tutte queste svenevolezze, fare la corte ad una ragazza, far finta di provare chissà cosa per lei, adularla con ogni sorta di complimenti. Nei film vist in televisione scene come queste naturalmente non mancavano, e quando certe immagini gli capitavano davanti agli occhi indispettendolo, lui s'affrettava a cercare il telecomando per cambiare canale: come lo indispettivano certi romanzi amorosi, ed allora li riponeva subito da parte. 
    E le poesie, la medesima cosa: non c'era nulla di più idiota delle rime galanti dei giovani poeti innamorati! Soprattutto quando nelle loro composizioni ci mettevano dentro la luna, le stelle, la primavera ed i prati in fiore.
    Aveva mille ragioni suo cugino Luca di disprezzare le donne. Erano delle futili. Per esempio Mery…ed anche Magda. E poi Pamela e quell'altra sua amica, Carmen…rammentava il loro  banale chiaccherare di quando frequentava ancora la scuola a Tolmezzo, delle loro sciocche risate mentre canzonavano un'altro suo cugino di Cavazzo, di nome Martino. Ma Viola, certamente, non era così. Viola aveva una voce dolce, una voce che ti dava sicurezza. Lorenzo non si era mai domandato quanti anni avesse potuto avere, ma non avrebbe mai sospettato che fosse stata così giovane.